Sacrosancto et exorabili loco in honore Dei sanctorumque apostolorum Petri et Pauli dicato, Cluniensi monasterio, cui preest donnus Maiolus, venerandus abbas. Ego igitur Heldinus, recogitans Dei judicium, dono Deo et sanctis apostolis ejus Petro et Paulo, pro remedio anime meę et parentum meorum, aliquid ex rebus meis, que sunt site in pago Matisconensi, in agro Dariaco, in villa Cottis: hoc est unam medietatem de omnibus que in ipsa villa visus sum habere, totum ad integrum, excepto II perticas in latum et in longum. As igitur res ea ratione dono, ut quandiu vixero teneam et possideam, et per singulos annos, in vestitura, duos sextarios de vino persolvam, et post meum discessum, hec denominata hereditas ad prefatum locum sine dilatione perveniat. Si quis hujus donationis cartam violare presumpserit, auri libras III persolvat, et inantea hec carta firma et stabilis permaneat, stipulatione subnixa. Actum Cluniaco monasterio publice. S. Heldini, qui fieri et firmari rogavit. S. Isingaudii, Arlei, Josberti, [sacerdotis], Ademari, [sacerdotis], Flodi, Dadi. Data per manum Aldulfi, anno XXVII regnante Lotthario rege.